تويوتا شىركىتى پۈتۈنلەي يېڭىچە Fun-Vii ئۇقۇم ئاپتوموبىلىنى ياسىغان بولۇپ، يېڭى ئاپتوموبىلنىڭ سىرتقى كۆرۈنۈشىنى كەسپىي ئىشلىتىلىشچان پروگرامما ئارقىلىق ئۆزگەرتىشكە بولىدىكەن، بۇ مەشغۇلات خۇددى كومپيۇتېر سىستېمىسىدىكى ئۆزگەرتكىلى بولىدىغان ئۈستەل يۈزىگە ئوخشاش. بۇ ئاپتوموبىل ئىچكى قىسىمىغا "2+1 شەكلىدىكى" ئولتۇرۇش بوشلۇقى لايىھەسى قوللىنىلغان، ئوتتۇرا كونترول سۇپىسىنىڭ ئوڭ تەرىپىدە پرويىكتورنى ئىشلەتكەندە قويۇپ بېرىلگەن "ھەقىقى ئادەم ياردەمچى" بار بولۇپ، بۇ ياردەمچى ئاۋازلىق يېتەكلەش، ئاپتوموبىل ھەيدەش ئۇچۇرى ۋە تۇرمۇش مۇلازىمىتى قاتارلىق كۆپ خىل ئىقتىدارلارغا ئىگە. بۇنىڭدىن سىرت، ئىچكى قىسمىدىكى سىستېما يەنە، ئەتراپتىكى ئاپتوموبىللار بىلەن ئالاقە قىلىش ئارقىلىق ئۆز ئورۇنلىرىنى ئەڭ ئۆلچەملىك بېكىتىدۇ ۋە يوشۇرۇن خەۋپلەرنى بايقىغاندا دەل ۋاقتىدا سىگنال بېرەلەيدۇ.....