ئەنگىلىيەدىكى «تېلېگراف خەۋەرلىرى گېزىتى» يېقىندا مۇنداق خەۋەر بەردى: بىرازىلىيەدە بىر توپ ئاق تەنلىك ياغاچ كەسكۈچى ئامازون ئورمانلىقىدىكى يەرلىك قەبىلە كىشلىرىنى قوغلىۋېتىش ئۈچۈن، بۇ قەبىلىنىڭ ئېزىپ قالغان سەككىز ياشلىق قىز ئەزاسىنى كۆيدۈرۈپ ئۆلتۈرۈۋەتتى. دەرەخكە باغلاپ كۆيدۈرۈلگەن بۇ قىز ئامازون ئورمانلىقىدا ياشايدىغان ئاۋا قەبىلىسىنىڭ ئادىمى ئىدى. 60 نەچچە ئاھالىسى بار بۇ كىچىك قەبىلە بۇ يەردە جاھان غەۋغالىرىدىن خالىي تۇرمۇش كەچۈرەتتى، شۇ چاغدا بۇ قىز كەنتنىڭ سىرتىدا ئويناپ يۈرگەندە، بەختكە قارشى ئاق تەنلىك ياغاچ كەسكۈچىلەرنىڭ قولىغا چۈشۈپ قالدى.

بىرازىلىيەدىكى كان ۋە ياغاچ شىركەتلىرى تۆمۈر رۇدىسى بىلەن قىممەتلىك ياغاچ ماتېرىياللىرىغا ئېرىشىش ئۈچۈن، ھازىر بىرازىلىيەنىڭ شىمالىدىكى مارانفۇ ئىشتاتىنىڭ يەرلىك ئاھالىلەرگە قالدۇرۇلغان رايونلىرىغا بۆسۈپ كىردى. ئۇلار بۇ يەردە يەرلىك ئاھالىلەر بىلەن دائىم توقۇنۇشۇپ تۇرىدۇ. يەرلىك ئاھالىلەرگە كۆڭۈل بۆلىدىغان تەشكىلاتلارنىڭ ئىستاتىستىكىسىغا قارىغاندا، 2003-يىلىدىن 2010-يىلىغىچە بۇ يەرلەردە بولغان توقۇنۇشتا 450 ئاھالە ئۆلتۈرۈلۈپتۇ.