جۇڭگو ئاخبارات تورى خەۋىرى:ب د ت نىڭ كاتىپى لىۋىيە دۆلەت ئىشلىرى ۋەكلى ب د ت نىڭ لىۋىيىگە ياردەم بېرىش ئۆمىكىنىڭ مەسئۇل خادىمى ئىئان.مارتىن (Ian Martin) 25-يانۋاردا :« لىۋىيە ئۆتكۈنچى ھۆكۈمىتى بىخەتەرلىك، مىللەتلەر ئوتتۇرسىدىكى يارىشىپ قېلىش، كىشىلىك ھوقوقنى قوغداش شۇنداقلا رەھبەر سايلىمى قاتارلىق بىر قاتار خىرىسلارغا دۈچ كېلىدۇ.»دېگەن.

مارتىن شۇ كۈنى (25-يانۋاردا ) ب د ت خەۋپسىزلىك كېڭىشىنىڭ لىۋىيە ۋەزىيتى توغىرسىدىكى ئاشكارا يىغىنىدا :«ھازىرغا قەدەر لىۋىيىنىڭ كوچا-كوچىلىرىدا نۇرغۇنلىغان ئۇرۇش قوراللىرى تولۇپ تاشىدۇ، دۆلەت ئىچىدە ھەر خىل باشقۇرۇش ياكى كونترول قىلىش ھوقوقى ئېنىق بولمىغان ھەر خىل قوراللىق قىسىممۇ بار، ئالدىنقى بىر ئاينىڭ ئىچىدە يۈز بەرگەن بىر قىسم ۋەقەلەرگە بۇ ئەھۋاللار سەۋەبلىك ئىكەنلىكى مانا مەن دەپ كۆرۈنۈپ تۇرىدۇ.» دەپ پىكىر بايان قىلغان.

خەۋەرلەرگە ئاساسلانغاندا ،مىسۇرتادىن كەلگەن قوراللىق ئەسكەرلەر ۋە لىۋىيىنىڭ پايتەختى ترى پورىدىكى قوراللىق ئەسكەرلەر ئوتتۇرسىدا مۇشۇ ئاينىڭ بېشىدا توقۇنۇش يۈز بېرىپ، نۇرغۇن ئادەمنىڭ قازا قىلشى ھەم يارلىنىشىنى كەلتۈرۈپ چىقارغان. بىر مەزگىل ئۆتكەندىن كېيىن،ھەر قايسى تەرەپتىن كەلگەن قوراللىق قىسملار گىريان ۋە ئارئاسابا رايونىدا يەنە بىر قېتىم توقۇنۇش يۈز بەرگەن، مۇشۇ ھەپتىنىڭ بېشىدىمۇ بانىۋالد رايونىدا يەنە توقۇنۇش يۈز بەرگەن.

«مىللەتلەر ئوتتۇرسىدىكى يارىشىپ قېلىش مەسىلىلىرى لىۋىيە ئۆتكۈنچى ھۆكۈمەت دۈچ كېلىدىغان يەنە بىر خىرىس. لىۋىيىنىڭ مۇھىم جەڭ رايونى بولغان بانىۋالدتا، ئۆتكۈنچى ھۆكۈمەت يەرلىككە يېڭىدىن ئەۋەتكەن رەھبەرلەر بىر قىسىم توسقۇنلۇققا ئۇچىرىدى.بۇ خىل جىددىي ھالەتتە، بىخەتەرلىككە چېتىلىدىغان ئىشلار چىقان ھامان، يەرلىك ئامما ۋە شۇ يەردە تۇرىۋاتقان قوراللىق قىسىم ئوتتۇرسىدا توقۇنۇش پەيدا بولۇۋاتىدۇ.» دېگەن مارتىن سۆز قىلىپ.

ئۇ يەنە:«لىۋىيە ئۆتكۈنچى ھۆكۈمىتى سايلامغا تەييارلىق قىلىش، تۇتقۇن قىلىنغان كىشىلەرنىڭ ئىنسانىي ھوقوقنى قوغداش، ئۇرۇشتىن قالغان پارتىلىغۇچى بۇيۇملارنى بىر تەرەپ قىلش، چېگرا رايونلارغا بولغان كونتىروللۇقىنى كۈچەيتىش قاتارلىق بىر قاتار قىيىنچىلىقلارغا دۈچ كېلىدۇ. ب د ت نىڭ لىۋىيىگە ياردەم بېرىش ئۆمىكى داۋاملىق ئۆتكۈنچى ھۆكۈمەتنىڭ بۇ خىرىسلارنى يېڭىشى ئۈچۈن ياردەم قولىنى سۇنىدۇ.» دەپ ئىپادە بىلدۈرگەن.

زۇلپىيەم ئېزىز بوغلان.