فرانسىيە زۇڭتۇڭى ساركوزىنىڭ ئۇكرائىنادا دوختۇرخانىغا ئاپىرىلغان ئەڭ چوڭ ئوغلى پېر ساركوزىنىڭ يېمەكتىن زەھەرلەنگەنلىكى بىلدۈرۈلدى.
تۈنۈگۈن Odessa شەھىرىنىڭ باشقۇرغۇچىسى Anna Osipchuk ،پېر ساركوزىنىڭ ئۇكرائىنا سىرتىدا تاماق يەپ زەھەرلەنگەنلىكى ۋە ئايروپىلان بىلەن فرانسىيىگە قايتىدىغانلىقىنى بىلدۈرگەن.
فرانسىيىنىڭ كىۋ باش ئەلچىخانىسى ۋەكىلى Emmanuel Berard ،يىگىرمە ياشقا كىرىپ قالغان رەپ مۇزىكىسى ئىشلىگۈچى پېر ساركوزىنىڭ،قارا دېڭىز ساھىلىدىكى Odessa شەھىرىدە ئۆزىنى بىئارام ھېس قىلغانلىقى ئۈچۈن دوختۇرخانىغا ئاپىرىلغانلىقىنى بايان قىلغان.
ئۇكرائىنا ئاخبارات ۋاسىتىلىرى DJ Mosay دەپ ئاتىلىدىغان پېر ساركوزىنىڭ Odessa شەھىرىدىكى بىر كۇلۇبتا ئويۇن قويماقچى بولغانلىقىنى،ئەمما مىجەزى ياخشى بولمىغانلىقى ئۈچۈن ئويۇننىڭ ئەمەلدىن قالدۇرۇلغانلىقىنى ئۇقتۇرغان.
پېر ساركوزى،فرانسىيە زۇڭتۇڭى ساركوزىنىڭ تۇنجى ئايالى Marie-Dominique دىن بولغان ئەڭ چوڭ ئوغلى ئىكەن.