يەمەن پرىزدېنتى سالىھى ئامېرىكىغا تايىنىپ پاناھ جاي ئىزدىمەكچى بولدى

  جۇڭگو ئاخبارات تورى 21-يانۋار خەۋىرى: سىنگاپۇر « بىرلەشمە سەھەر گېزىتى» نىڭ 21-يانۋاردىكى خەۋىرىدە ئېيتىلىشىچە، ئامېرىكا ھەدەپ يەمەن پرىزدېنتى ئۈچۈن پاناھ جاي ئىزدەۋاتقان بولۇپ، ئامېرىكا ھۆكۈمىتى سالىھىنىڭ ئامېرىكىغا كېلىش تەلىپىنى رەت قىلىپ، سالىھىنى باشقا دۆلەتكە بېرىشنى ئويلىشىشقا دەۋەت قىلغان.

   ئامېرىكىنىڭ تېرورلىققا قارشى ئالىي مەسلىھەتچىسى برېننان (William Joseph Brennan) ئامېرىكا ئەمەلدارلىرىغا يېتەكچىلىك قىلىپ، يەمەننىڭ دېمۇكراتىيە تۈزۈمىنى ئەمەلگە ئاشۇرۇشىغا پايدىلىق بولسۇن ئۈچۈن، سالىھىنىڭ يەمەندىن ئايرىلىشىغا ياردەم قىلماقچى بولغان. نۆۋەتتە كېڭىشىش خىزمىتى بەلگىلىك ئىلگىرىلەشلەرگە ئىگە بولغان بولۇپ، نۆۋەتتە سالىھى ئامېرىكىنىڭ يەمەندە تۇرۇشلۇق باش ئەلچىسى بىلەن بىللە يەمەن چىگرىسىدىن ئايرىلىشقا قوشۇلغان.

  ئامېرىكا ئەمەلدارىنىڭ ئېيتىشىچە، بۇ يىل 69 ياشقا كىرگەن سالىھىنىڭ بارار جايى كۆپ ئەمەس ئىكەن. نۆۋەتتە، ئەرەب بىرلەشمە خەلىپىلىكى ۋە سەئۇدى ئەرەبىستان سالىھىنى ئېلىپ قېلىشنى رەت قىلغانلىقتىن، سالىھى ئامېرىكىغا يەنە بىر قېتىم ۋىزا ئىلتىماسى سۇنغان. ئەمما ۋاشىنگتونمۇ سالىھىنىڭ ئامېرىكا چىگرىسىغا كىرىشىگە قارشى بولۇپ، بۇ ھەقتە رەسمىي قارار چىقارمىغان.

خالىسە ئەھمەد