ۋەقەنىڭ تەپسىلاتى:
12-ئاينىڭ 29-كۈنىدىكى خەۋىرىگە ئاساسلانغاندا، تۈركىيە كۇردلارغا مايىل تىنچلىق ۋە دېموكراتىيە پارتىيىسىنىڭ بىر ئەمەلدارى دېيىشىچە، شۇ جاي ۋاقتى 29-دېكابىر ئەتىگەن، تۈركىيە ھۆكۈمىتى شەرقىي جەنۇب قىسىمدىكى كەنتكە ھاۋا ھۇجۇمى قىلغان، ھۇجۇمدا 35 ئادەم قازا قىلغان. بۇ كەنت تۈركىيە بىلەن ئىراقنىڭ چېگرىسىغا جايلىشىدىكەن.
تۈركىيە يەرلىك بىخەتەرلىك ئەمەلدارى:«بۇ كىشىلەر ئىراقنىڭ شىمالىدىن تەبىئىي گاز ۋە شېكەر ئەتكەس قىلىپ تۈركىيىگە كىرگەن، شۇڭا خاتا ھالدا كۇردىستان ئىشچىلار پارتىيىسىنىڭ ئادەملىرى بولۇشى مۇمكىن دەپ قارىلىپ قالغان» دېگەن.
كۇردلارغا مايىل روج تېلېۋىزىيە ئىستانسىسىنىڭ خەۋىرىدە دېيىلىشىچە، ھاۋا ھۇجۇمى تۈركىيىنىڭ شىرناك ۋىلايىتىدە يۈز بەرگەن، مەزكۇر ۋىلايەتنىڭ پارلامېنت ئەزاسى ئەرتەن ئەرىسنىڭ دېيىشىچە، ئورتاسۇ كەنتىدە 35 ئادەمنىڭ پارتلاپ قازا قىلغانلىقى ئىسپاتلانغان. يەرلىك بىخەتەرلىك ئەمەلدارىمۇ ھاۋا ھۇجۇمىنى ئىسپاتلىغان، بىراق ئۆلۈم-يېتىم سانىنى ئاشكارىلاشنى رەت قىلغان. شىرناك ۋىلايىتىنىڭ پارلامېنت ئەزاسى ھاسىپ قاپلان:«مېنىڭ بىلىشىمچە، ھاۋا ھۇجۇمى سەھەر سائەت 3 ئەتراپىدا يۈز بەردى، پارلامېنت ئەزالىرى ۋە قۇتقۇزۇش خادىملىرى ۋەقە يۈز بەرگەن نەق مەيدانغا ئاتلاندى» دېگەن.
كۇردلارغا مايىل فىرات ئاخبارات ئاگېنتلىقىنىڭ خەۋىرىدە دېيىلىشىچە، كەنتتىكى بالىلارنى ئۆز ئىچىگە ئالغان 35 نەپەر كۇرد ئاممىسى ھاياتىدىن ئايرىلغان.