سىز كۆرگەن ئەڭ كىچىك يانفون زادى قانچىلىك كىچىك؟ سىز كۆزگەن ئەڭ چوڭ يانفوننىڭ چوڭلۇقىچۇ؟ لايىھەلىگۈچى Kamil Izrailov نۆۋەتتە بىزگە ھەم ئەڭ كىچىك ھەم ئەڭ چوڭ يانفون بولالايدىغان مودۇللاشتۇرۇلغان يانفوننى تونۇشتۇماقچى. ھەر بىر يانفون مودېلىنىڭ چوڭ-كىچىكلىكى 2.2 سانتېمېتىر×2.2 سانتېمېتىر × 0.6 سانتېمېتىر بولۇپ ئەڭ ئاز بولغاندىمۇ ئىككى مودېلدىن بىر يانفون قوراشتۇرۇلغان، يەنى ئىشلەتكىلى بولىدىغان ئەڭ كىچىك مودېللاشتۇرۇلغان يانفوننىڭ ئۆلچىمى 4.4 × 2.2 × 0.6 سانتېمېتىر، ئەڭ چوڭ يانفوننىڭ ئۆلچىمى بولسا 1.5 مېتىر × 2.0 مېتىر × 0.6 سانتىمېتىر قىلىپ قوراشتۇرۇشقا بولىدىغان بولۇپ، تەخمىنەن 3100 مودېلدىن تەركىب تاپقان.
 

   Mobikoma نىڭ دەسلەپتە لايىھەلەشتىكى نىشانى ھەرگىزمۇ يانفوننىڭ چوڭ-كىچىكلىكىدە ئەمەس، بەلكى ئوخشاش بولمىغان ساندىكى مودېلدىن ئەڭ كىچىك يانفون، ئۆلچەملىك ئەقلىي ئىقتىدارلىق يانفون ۋە تەكشى ئەينەكلىك كومپيۇتېر قوراشتۇرۇشتىن ئىبارەت. كىچىك يانفوننى قوراشتۇرۇشتا پەقەت ئىككىسىلا كېتىدۇ، ئەقلىي ئىقتىدارلىق يانفونغا زۆرۈر بولغىنى 3×6=18، تەكشى ئەينەكلىك يانفون قوراشتۇرۇشتا ئېھتىياجلىق بولغىنى 6×9=54. 
 

كەينىدىكى ئالاھىدە بەلگە ئىشلەتكۈچىگە مىكروفۇن، ساقلاش، SIM كارتىسى قاتارلىقلارنىڭ قايسى ئىككى مودېلغا لايىھەلەنگەنلىكىنى كۆرسىتىپ بېرىدۇ 

 

   لايىھەلىگۈچى، Mobikoma نىڭ ھەر بىر مودېلىغا پروگرمما تۈزۈشكە بولىدۇ، ئۇلارنىڭ توك تەمىنلەش سىستېمىسى ۋە بىر تەرەپ قىلغۇچىسىمۇ پۈتۈنلەي مۇستەقىل دىگەن. بۇ مودېللاردا ئىككى SIM كارتىسى ئورنى، مىكروفون، ساقلاش سىستېمىسى قاتارلىقلار لايىھەلەنگەن بولۇپ، ئابونت كەينىدىكى ئالاھىدە كۆرسەتمە ئارقىلىق بۇ ئىككى مودېلنى پەرقلەندۈرەلەيدىكەن.